نقص الدواء… هذا المقال، ممكن ما يعجبكش، لأنة هيهدم الصورة المثالية اللى جواك عن الدواء والادوية، و هيعرض عليك الواقع الحقيقي. بعد هذا المقال هتعرف لية الدواء بينقص أو بيختفي من الصيدليات، ولية بيرجع مرة تانية، واية اللى المفروض تعملة لو دواك نقص أو ما لقيتوش. خلينا نبدأ بالأسباب اللى ممكن تكون وراء نقص أو اختفاء دواء ما

إنشغال خطوط الإنتاج بتصنيع دواء أخر أكثر ربحية

أحد الأسباب وراء إختفاء الادوية، ذات الأسعار المنخفضة ، هو عدم وجود خطوط إنتاج متاحة نظراُ للإنشغال الدائم لخطوط إنتاج المصنع.. أى مصنع ادوية لة طاقة تصنيع معينة، ومصنع الادوية مثل أى مشروع يهدف للربح في المقام الاول.

بناء علية يمكن أن يكون المصنع مشغول بتصنيع دواء أخر (لحسابه او لحساب الغير) مكسبه فيه عالي جدا (دواء اورام مثلا) …وبالتالي مش هيشغل نفسه بدواء لة سعر منخفض نسبياً. و دة التفسير المنطقي خصوصا في الأدوية ذات السعر المنخفض.

تعطيش السوق يزيد المبيعات

سياسة تعطيش السوق، وهى أحد الأمور المعروفة لتحفيز مبيعات منتج ما.. فالشركة المنتجة تقوم بتوقيف إنتاج أو تسويق دواء ما، علشان لما ينزل السوق مرة أخرى، فالصيدلية لو بتجيب ١٠ علب هاتشتري ١٠٠ علبة و المريض لو محتاج علبة بيقولك هات ٣ علب.

الاتفاقات الغير رسمية بين شركات الأدوية

هناك اتفاقات غير رسمية( تحت الترابيزة) ، وفيها تتقاسم الشركات المنافسة حصة المبيعات، بحيث تكون كل شركة لة حصة معين من المبيعات… ببساطة الشركات بتشتغل زي عبد الغفور البرعي وشلة المعلمين اللى في الوكالة،  كل واحد له دوره،  وكل واحد عارف دوره،  انت تشتغل دلوقتي شهرين، وبعدها وقف الإنتاج شهرين، وغيرك يشتغل وهكذا.

نقص الدواء

أعمال الصيانة في منشأة التصنيع

قد يكون أحد الأسباب لنقص دواء ما، هو وجود أعمال صيانة او إحلال و تجديد في المصنع، وبالتالي يتوقف الانتاج في هذا الجزء من المصنع الذي يقوم بتصنيع دواء ما، وبالتالي الدواء بينقص.

الفساد والرشاوى

عند ظهور دواء جديد منافس للدواء الموجود بالفعل، فقد يقوم المنافسين الجدد برشوة أو عمل اتفاقات مع العمال أو المديرين في الشركة صاحبة المنتج الموجود، عشان يوقفوا إنتاج أو يمنعوا تسويق الصنف، لحد ما المنتج الجديد المنافس يتعرف و يتشهر، خلال الفترة دي بيحصل النقص للمنتج في أماكن وأماكن .

نقص في الخام

معظم المواد الخام المستخدمة في تصنيع الأدوية، هى خامات مستوردة من الصين أو وسط أسيا أو وسط اوروبا، على حسب كل شركة، وطبعا لو في مشاكل في توفير الخام المستخدم في التصنيع ، فأكيد بيكون في عجز في التصنيع، وبالتالي الدواء بينقص من الصيدليات.

تحقيق التارجت المستهدف

خطط الانتاج يتم وضعها و فيها يتم تحديد الانتاج المستهدف على مدار العام، واذا تم الوصول لهذا المستهدف، في اى وقت خلال العام، فسوف تتوقف الشركة عن انتاج الدواء ، وبالتالي يبدأ اختفاء الدواء من الصيدليات، حتى تبدأ خطط الانتاج الجديدة.

التنبؤات أقل من الانتاج

في مجال الادوية ، في حاجة اسمها تنبؤات للدواء، بمعنى أن في ناس شغلها أنها تتوقع الدواء هيبيع كام علبة مثلا في الربع الأول من السنة ، وهيبيع كام في الربع الثاني وهكذا..و خطط الانتاج بيتم وضعها على اساس هذة التوقعات او التنبؤات…و أحيانا ممكن تكون التوقعات أو التنبؤات دى غلط، وبالتالي الانتاج بيكون أقل من المطلوب نتيجة فشل التوقعات الخاصة بالكميات المطلوبة.

انتهاء مدة الترخيص

ببساطه كل دوا له مده ترخيص محدده ويتم مراجعه شروط الترخيص، كل فترة زمنية، علشان كده تلاقي ادويه بتتسحب من السوق اساساً، ولا يتم انتاجها مرة أخرى و ادوية اخرى تنقص بسبب اجراءات اعادة الترخيص و هكذا.

تعمل آية … لو مش لاقي دوائك؟

ممكن تعمل واحدة من الحاجات اللى ها أقولك عليها دي:

في النهاية، حابب أعتذر لك عن اللغة اللى كتبت بيها المقال دة، و اعتذر لك مرة تانية لاني عرضت عليك الحقيقة بطريقة ممكن تصدمك أو تحطم المثاليات اللى جواك… لكن يا عزيزي ..المال هو محرك هذا العالم ( المال حلل كل غير محلل أو بكلمات اخرى:  كلة بالجنية بيتفرد ويتني).. معلش حاول تتبسط وتنسى الكلام دة و خلي أيامك أجمل.

موضوعات قد تفيدك

كلمنا لو عندك سؤال او إضافة

كلمنا لو مازال لديك أى سؤال أو إستفسار أو إضافة. أو لو كنت أحد أعضاء إتحاد المهن الطبية، وترى ان هذة الصفحة تحتاج إلى تحديث أو تعديل أو إضافة أو حذف، فبرجاء تواصل معنا عبر أحد طرق التواصل التالي، وفي الغالب ما يتم الرد في خلا 48 ساعة على الأكثر:

1. نموذج التواصل الموجود في صفحة تواصل معنا  من الرابط هنا.
2. صفحة (إسأل واستشير أو أضف معلومة) من الرابط هنا.
3. البريد الإلكتروني: [email protected] .
4. تطبيق الواتس آب من الرابط هنا.

حقوق النشر والاعلان: “All rights reserved (c) 2021 ” تواصل معنا عبر تطبيق واتس_آب أو عبر نموذج التواصل..التحديث و الإضافة والتعديل: تواصل معنا، إذا كنت تعرف أي معلومات، تحديثات، إضافات أو تعديلات يمكن إضافتها إلى هذة الصفحة، عبر تطبيق الواتس آب أو البريد الإلكتروني([email protected]) أو عبر نموذج التواصل أو اكتب تعليق في أسفل الصفحة.