فى دراسة أجراها مجلس السكان بالتعاون مع جمعية الخصوبة المصرية في عام 1998 وجدت أن معدل الإجهاض في مصر شهد طفرة، حيث وجدت الدراسة أن لكل 100 مولود ، تم إجهاض حوالى 15 طفل.
و كشفت دراسة أخرى أجراها معهد القاهرة على 1300 امرأة (متزوجات وغير متزوجات) أن ثلثهن حاولن الإجهاض ، وأن 14 % من المشاركين في الدراسة كانوا من المناطق الريفية ، و قد قاموا بتعاطى أدوية الإجهاض لأنفسهن مرة واحدة على الأقل. عشان كدة المقال دة للمصريات باللهجة العامية المصرية.
إية هو الإجهاض الطبي؟
الإجهاض الطبي هو إجراء بتعملة الحامل بنفسها لو عايزة تنزل حملها من غير ما تحتاج تروح لعيادة او لمستتشفى ، و الإجراء دة بينجح بس لو الحمل عمرة اقل من 12 أسبوع .في الإجهاض الطبي ، الواحدة الحامل بتأخد حبوب معينة ، بطريقة معينة ، و الحبوب دى بتخلى الحمل ينزل.
إية هي حبوب الإجهاض؟
حبوب الإجهاض دى هي اللى بتستخدمها الحامل عشان تنزل حملها ، و اسم الحبوب ( ميزوبروستول ) و مشهورة في مصر باسم ( سيتوتيك، أو ميزوتاك، أو ميزوبروست) .حبوب الــ سيتوتيك أو الــ ميزوتاك أو الــ ميزوبروست دى بتخلى الرحم ينقبض بسرعة و بقوة ، و بكدة الرحم بيطرد محتوياتة فالجنين بينزل.
الحبوب دي لازم تتأخد في توقيت معين وبجرعة معينة عشان الإجراء ينجح والإجهاض يتم، ومع ذلك بردوا في ستاتا بتفشل إنها تنهي الحمل بإستعمال الحبوب (حوالى من 10 لـ 15% من إجمالي الحالات بتفشل إنها تنهي الحمل بالحبوب).
سيتوتيك هيلاس فايزر اليونان
يعنى حبوب الإجهاض دى فعالة و آمان؟
في كل الدنيا الحبوب دى موجودة، و منظمة الصحة العالمية مصنفة حبوب ميزوبروستول دى أنها دواء مهم و اساسى للصحة العالمية ، و على فكرة حبوب الإجهاض دى بتتباع عادى في كندا و أمريكا و اى حد ممكن يشتريها بس طبعًا بروشتة، بس في مصر لسة بدرى شوية على الى ما نبقى زى البلاد المتقدمة اللى أدت الست حقها في كل حاجة ، و من ضمن حقوقها هو حقها في الحمل و الولادة أو عدم الحمل و الولادة .
حبوب الإجهاض دى بتعمل لك نزيف زى بتاع الدورة أو اتقل شوية ، و ممكن تخلى نفسك غامة عليكى شوية ،و بتجب إسهال و ساعات ممكن ترجعى ..و على العموم لو انتى خدتى الحبوب دى بطريقة صح و بجرعة صح و في الوقت الصح مش هيحصل حاجة وحشة إن شاء اللة .
لازم قبل ما تأخدى حبوب الميزوبرستول ( سيتوتيك، أو ميزوتاك، أو ميزوبروست) تتأكدى من المعلومات دى:
- لازم تتاكدى أنك حامل الأول ، و دة بإستخدام طريقة كشف الحمل المنزلى ( اختبار الحمل عن طريق البول ) إذا كانت النتيجة إيجابية ، فعليك التأكد بالتوجة الى أقرب معمل و طلب إجراء أختبار للحمل في الدم ، اذا امكنك الذهاب الى .
- حساب عمر الحمل ، و ذلك من تاريخ أول يوم لأخر دورة شهرية .
- لا تستخدمى حبوب الميزوبرستول ( سيتوتيك، أو ميزوتاك، أو ميزوبروست) إذا كنتى قد خضعتى لأى جراحة كبرى في اخر سنتين ، او كنتى قد ولدتى قيصريا في أخر سنتين .
- لا تستخدمى هذا الدواء اذا كان عمر حملك اكبر من 3 شهور او 12 أسبوع .
- لا تتناولى حبوب الميزوبرستول ( سيتوتيك، أو ميزوتاك، أو ميزوبروست) اذا كنتى تأخدىن ادوية مسيلة للدم .
- لازم تعرفى حد مقرب ليكى و تثقين فية ( صديقة زوج قريبة ) ، إنك هتنزلى حملك بحبوب الميزوبرستول ( سيتوتيك، أو ميزوتاك، أو ميزوبروست)، و لازم حد يكون موجود معاكى و انت بتستعملى هذه الطريقة لإنهاء حملك .
مهم : تبقى حاجة كويسة جدا لو قمتى بالاجراء في مكان يكون قريب من مستشفى فيها قسم طؤراىء ،لأنة لو حصل نزيف حاد تروحى هناك بسرعة. ( النزيف بيزيد لو عمر الحمل زايد يعنى كلما زاد عمر الحمل ، كلما زادت إمكانية حدوث النزيف الحاد ، في العادة قبل 12 أسبوع بيكون النزيف اتقل شوية من نزيف الدورة ومش هتحتاجي تروح أى مكان بس بردوا هتكون حاجة كويسة لو لو كنتى في مكان قرب من مستشفى عشان الطؤاىء ) .
إزاى أخد حبوب الاجهاض عشان انزل الحمل؟
لو انتى حامل ، اقل من 9 أسابيع خدى الميسوبريستول بالنظام التالي:
إية اللى هيحصل لما اخد حبوب الإجهاض؟
في الأول جسمك هيسخن، وتحسي أنك بردنانة ومهبطة ودايخة شوية، ما تخفايش دة عادي و هينتهي بعد شوية وقت، و بعد 3 لــ 5 ساعات من اول جرعة ، هيبدأ مغص زي مغص الدورة، هيبدأ خفيف ، و يبدا المغص يزيد مع الوقت ، و بعدين يبدأ نزيف يبدأ خفيف و بعدين يتقل مع الوقت ، النزيف هيكون اتقل شوية من بتاع الدورة. على فكرة ، ممكن تاخدى الحبوب بتاعة الإجهاض دى ، و كل اللى يحصل شوية مغص ، من غير نزيف خالص( يعنى محاولة الإجهاض تفشل) ..لو دة حصل خلاص ..استنى يومين او تلاتة و كررى اللى عملتية مرة تانية .
هو في ميزوتاك أو سيتوتيك مضروب؟
طبعًا في ميزوتاك و سيتوتيك مضروب ، ومش هتقدري تفرقية من الأصلي، إلا بعد ما تأخدي الحبوب، لو أخدتى الحبوب وما حصلش أى اعراض( سخونة، هبوط، مغص دورة، إسهال، نزيف) تبقى الحبوب مضروبة. ما تخفايش الحبوب المضروبة مش هتضرك، بس مش هتنهي الحمل.
هى حبوب الإجهاض أمان؟
أمان و المضاعفات بتاعتها خفيفة ومش صعب التعامل معها، بس خلي بالك بلاش تستعملي الحبوب لو أنت حامل أكبر من 12 أسبوع. وعمومًا لو حسيتي أنك تعبانة روحي لاقرب مستشفى وما تخافيش والدكاترة هتساعدك.
هي حبوب الاجهاض بتجيب عقم؟
طبعًا لا، حبوب الاجهاض مش هتجيب عقم، وممكن تخلفي تاني في اى وقت.
أنا خايفة أوى من الحبوب؟
طبيعي أنك تكوني خايفة، لازم حد يكون معاكي وانت بتأخدي الحبوب عشان يدعمك ويساعدك لو احتجتي للمساعدة.
ألديك سؤال أو تعليق؟
اتصلي بنا لتقييم مدى ملائمة حبوب ميزوبرستول لحالتك
اتصلي بنا
الإجهاض الدوائي المبكر
فهرس يجمع جميع المقالات والموضوعات المتعلقة بالإجهاض الدوائي، ويوفر وصفًا لكل موضوع بالإضافة إلى رابط للاستفادة. سوف تجدي في هذا الفهرست جميع المعلومات التي تحتاجيها إذا كنتِ تفكرين في الإجهاض المبكر بالأدوية، مع إمكانية الوصول لإجابات على أسئلتك المحتملة، وفي حال لم تجدي جوابًا، يمكنك التواصل معنا من خلال نموذج الاستفسارات المتاح.
موضوعات الإجهاض الدوائي المبكر
